„რბილი ძალის“ თავისებურებანი თურქული სერიალების მაგალითზე

Authors

  • ზურაბ ბატიაშვილი UNIVERSITY OF GEORGIA

Keywords:

რბილი ძალა, თურქული, საქართველო

Abstract

თურქული „რბილი ძალა“ სერიალების სახით საქართველოში 2010 წლიდან გაჩნდა. პოპულარული ქართული არხები ერთმანეთს ეჯიბრებიან როგორც ამ სერიალების შეძენის, ისე ტრანსლირების, ასევე მათში მონაწილე თურქი მსახიობების ინტერვიუების გაშვების კუთხით. ზოგიერთ შემთხვევებში თურქულ სერიალებს პირდაპირი გავლენა გააჩნია საქართველოს საზოგადოებაზე. მაგალითად, 2018 წელს საქართველოში დაბადებულ 159 ბავშვს დაარქვეს თურქული სერიალების გმირთა სახელები: მათგან 32-ს — ონური, 65-ს — დამლა, 35-ს — ზეჰრა და 27-ს — ელიფი. თუ 2009-2010 წლებში საქართველოს მოსახლეობის მხოლოდ 19% ამართლებდა ქართველი ქალების ქორწინებას თურქებზე, 2010 წლის (ანუ თურქული სერიალების ქართულ ტელესივრცეში გამოჩენის) შემდეგ ამ მონაცემმა ნელ-ნელა ზრდა დაიწყო და 2017 წელს ამას უკვე მოსახლეობის 31% ამართლებდა. მსგავსი ტენდენცია შეიმჩნევა სხვა მაჩვენებლებშიც. მაგალითად კითხვაზე, „რომელი ქვეყანა მიგაჩნიათ საქართველოს მთავარ მეგობრად?“, 2013 წელს გამოკითხულთა მხოლოდ 3%-მა დაასახელა ასეთად თურქეთი. მაგრამ 2017 წელს ეს მაჩვენებელი გაორმაგდა და უკვე 6% შეადგინა.
დასკვნები:

  • თურქულმა „რბილმა ძალამ“ (მათ შორის სერიალებმა) უკეთესობისკენ შეცვალა
    თურქეთის სახელმწიფოსა და თურქული კულტურის იმიჯი მსოფლიოს მრავალ
    ქვეყანაში და, მათ შორის, საქართველოშიც;
  • თურქული სერიალების გავლენა მაღალია თურქეთის სამეზობლოში, მათ შორის,
    საქართველოშიც და ეს გავლენა უახლოეს მომავალშიც შენარჩუნდება;
  • მაღალი მოთხოვნიდან გამომდინარე, თურქულ სერიალებს ქართულ ტელესივრცეში
    მომავალშიც ექნება საკუთარი ადგილი;
  • თურქული „რბილი ძალის“ (მათ შორის სერიალების) გავლენა განსაკუთრებით
    მაღალია აზერბაიჯანული წარმოშობის საქართველოს მოქალაქეებზე, რაც,
    სავარაუდოდ, დიდხანს შენარჩუნდება.

Published

2023-12-27

How to Cite

ბატიაშვილი ზ. (2023). „რბილი ძალის“ თავისებურებანი თურქული სერიალების მაგალითზე . Dunya: The Journal of Free University Institute of Asia and Africa, (1). Retrieved from https://journals.org.ge/index.php/dunya/article/view/156

Issue

Section

Articles